7º Ciclo de Teatro: A Adala Infantil

Xa está aquí unha nova edición, a sétima, do Ciclo de Teatro de Castiñeiro Milenario.
Este sábado comezaremos coa primeira representación na que nos visitará a compañía de Foz, A Adala Infantil coa obra titulada “Que cousas pasan no Camiño!“. Esta obra está dentro do programa Buxiganga da Deputación Provincial de Lugo.
A representación terá lugar o sábado 21 de setembro, ás 18 horas na Casa do Pobo no lugar do Castro en Begonte.

Agradecemos á Asociación Veciñal do Castro a súa implicación e xenerosidade ao deixarnos o seu local social para esta representación teatral.

Advertisements

Hemeroteca: 8º Festival 27373

Nesta edición do Festival 27373 tivemos unha maior repercusión nos medios que edicións anteriores. Tivemos entrevistas en diferentes medios como en Radio Principal Vilalba, Cope Vilalba, Radio Lugo e en Radio Voz. Deixamos a entrevista que nos fixo, Félix Jorquera en Voces de Lugo, xa que o resto de emisoras non poñen os seus programas para poder escoitar en liña.

Ademais das entrevistas saíron novas sobre o Festival no TerraChaXa, El Progreso, La Voz e outros medios como CulturaliaGZ, GZMúsica. Deixamos algunhas das novas que fomos recompilando.


TerraChaXa de agosto.


La Voz de Galicia, agosto.


El Progreso, Emerxentes do suplemento A Chaira, 07/08/2019


La Voz de Galicia, 10/08/2019


El Progreso, 10/08/2019


El Progreso, 11/08/2019


El Progreso, suplemento A Chaira, 13/08/2019


El Progreso, suplemento A Chaira, 13/08/2019

Fotos: 8ª Edición do Festival 27373

Deixamos algunhas fotos do que foi a 8ª edición do Festival 27373 de música en Galego de Begonte.

Visita guiada ao Vello Cárcere de Lugo

Despois de ver “Camilo, o último guerrilleiro” tivemos un interesante debate sobre a memoria histórica e sobre a incrible vida de Camilo de Dios. Nese debate unha das asistentes falou do que lle impresionara a visita ao Vello Cárcere de Lugo. Nese mesmo momento xurdiu a idea de facer unha visita guiada ao edificio para que nos conten a súa historia como prisión franquista e a historia da súa recuperación como edificio adicado á memoria e á cultura.
Así que o vindeiro sábado 29 de xuño quedamos ás 18:50 horas diante do edificio para facer unha visita guiada exclusiva para Castiñeiro Milenario que comezaría ás 19 horas.
É preferible anotarse enviando un correo a castineiromilenario@hotmail.com ou no teléfono 616705174, xa que o número máximo de persoas por visita é de 25.

Agradecemos ao Concello de Lugo a visita guiada e a Brais García Bergantiños o deseño do cartaz.

Actos: Os Maios e Foliada de Primavera 2019

Como todos os anos desde Castiñeiro Milenario queremos darlle a benvida á Primavera, do xeito que merece e como nos presta: organizando unha nova edición da Foliada de Primavera.

Comezaremos pola tarde, a partir das seis facendo un pequeno paseo para apañar flores e fentos e xestas e facer un maio ben bonito e grande. Dirixidos polas sabias indicacións da mestra da Primavera, Branca Villares faremos un maio, probaremos a facer algún “maio vivo” e cantaremos unhas pezas ao redor del, nenos, nenas e maiores todas xuntas para dar a benvida á primavera. Un chocolate quentiño daranos forzas para seguir ata que a Foliada chegue.

Despois haberá uns petiscos para empezar unha nova edición da Foliada de Primavera. A partir das oito e media, comezará a festa con dous grupos, desde Outeiro de Rei con sangue e forzas propias da mocidade virá Filseira, con moitas gañas de cantar e bailar, e para rematar, desde Lugo a Asociación Arrincadeira. Despois, foliada aberta ata que os corpos aguanten.

Agradecemos, como sempre, a boa disposición dos grupos para participar neste acto festivo, a Branca Villares pola axuda e á Asociación Veciñal do Castro por cedernos o local para facer esta gran festa da primavera.

Fotos: Foliada de Outono 2018

Deixamos unhas fotos do que foi a Foliada de Outono 2018, no que tivemos un obradoiro de bombo con Miguel Anxo “Chino” e unha foliada con dous grupos da Escola de Rábade, Begonte e Outeiro de Rei: Os Miñocas e Os Airiños da Terra Cha, ademais dos cantereiros de Trevellos. Agradecer aos grupos a súa disposición para vir á nosa foliada, ás bailadoras e bailadores que fan a festa máis divertida, á xente que fixo unha gran foliada aberta e, por último, á Asociación Veciñal do Castro.

Anterior Entradas máis antigas

%d bloggers like this: