I Aberto do Castiñeiro

Por primeira vez na historia da Liga Nacional de Billarda, Begonte será a sede dunha xornada. Será a nosa primeira vez e quixemos tirar a casa pola ventá, facendo unha serie de cartaces e un vídeo promocional da xornada de liga e do propio equipo de Castiñeiro Milenario

Rock’n’roll billardeiro

Boconti calling

A laranxa mecánica chairega

Cartel definitivo

Advertisement

IX Aberto de Billarda Festival 27373

Novena edición do Aberto de Billarda do Festival 27373. Por motivos da COVID-19 esta edición ten limitación de prazas. Podes ver o protocolo e reservar a túa praza en Reserva Billarda.

Weightlifting pictogram, new sport icon. Vector illustration.

9ª edición do Festival 27373

Despois de tanto tempo parada, a Asociación Cultural Castiñeiro Milenario retoma a súa actividade coa 9ª edición do Festival 27373. Unha edicióin especiale marcada polo COVID-19, no que os actos terán aforo limitado e haberá que rexistrarse para poder acceder tanto aos concertos (bit.ly/entradas27373) como para xogar á billarda (bit.ly/billarda27373). Agradecer tanto ao Concello de Begonte como ao Club Fluvial as facilidades para poder levar adiante unha edición tan complicada e argallada nun tempo récord.

Mel de Castiñeiro (milenario)

Javier, Quique, Eliseo e Mar son catro soci*s de Castiñeiro Milenario que comparten unha fermosa afección: a apicultura. Eles catro comparten colmeas e traballos para poder conseguir no Monte do Pedroso, ese prezado líquido dourado: o mel. Ademais, decidiron que por cada bote de mel que vendamos coa etiqueta de Castiñeiro Milenario, deseñada por María Viso, doarán 1€ á Asociación. Un xeito fermoso de vender un produto de alta calidade e axudar á asociación da que son socios.
¡¡Moitas grazas, compañeira e compañeiros!!
O mel estará á venta nas actividades que Castiñeiro Milenario realice ao prezo de 7 euros, se alguén de cerca quere algún bote que se poña en contacto con nós e veremos se llo podemos achegar.

Nova directiva de Castiñeiro Milenario

Hai uns días tivemos Asemblea Extraordinaria na que a xunta directiva remataba os seus dous anos de mandato e abríanse os prazos para que novas propostas puidesen optar a dirixir os vindeiros dous anos da asociación. Como era de agardar, só houbo unha candidatura, practicamente a mesma que estes dous últimos levou as rendas de Castiñeiro Milenario, xa que só houbo unha baixa e unha incorporación e o troco de presidenta.
A nova directiva queda do seguinte xeito:
Presidente, Carlos Fernández
Secretaria, María Pardo
Tesoureiro, Eliseo Gómez
Vogais: María Bergantiños, Ángel Corredoira, Nuria Felpeto e Mar Prado

A nova xunta quere agradecer a grandísima labor que fixeron estes dous anos, as mulleres e homes da anterior xunta, e, sobre todo agradecer á anterior Presidenta, Mar Prado, todo o traballo feito e os bos alicerces que deixa; todo é moito máis doado cando as persoas que traballan xuntas se respectan, saben delegar e traballan como un só.

Benvidos e benvidas

Aínda que soe paradoxal a Asociación Cultural Castiñeiro Milenario ten xa seis anos de vida. Non nos acercamos aos mil que, presuntamente, ten a árbore que é o noso emblema, pero seis anos dunha asociación cultural é todo un logro. Unha vitoria que hai que atribuír ás mulleres e homes que contra vento e marea (podedes poñer nomes é apelidos a eses ventos e mareas se así o queredes) están sacando adiante este proxecto cultural.

Despois de varios intentos fracasados, todo hai que dicilo, tentaremos, por fin, de estar presentes en internet dun xeito activo. Esta nova andaina pretende ser unha xanela aberta ao pasado da asociación, recuperando novas, fotografías e actos que desenrolou a Asociación nestes anos, pero tamén aspira a  ser unha xanela aberta ao futuro, de xeito que sexa unha ferramenta para facer chegar as nosas propostas culturais, difundir os novos proxectos e establecer contacto cos nosos socios e socias ou con calquera que estea interesado na cultura, pois ao fin e ao cabo esa é a nosa proposta: difundir cultura galega.

Sede benvidos e benvidas a esta nova etapa na rede que, esta vez si, agardamos sexa a definitiva.