Hemeroteca: Foliada de Inverno

A repercusión, nos medios de comunicación, do obradoiro de zanfona e da Foliada de Inverno, artigos que foron aparecendo nos xornais destes últimos días.

El Progreso, 5/3/2017

La Voz de Galicia, 7/3/2017

El Progreso, especial A Chaira, 7/3/2017

Actos: Foliada de Inverno

¿Que estamos en inverno? ¿Chove e vai frío? Nada mellor para entrar en calor que o lume da festa e da música tradicional.

O próximo 11 de marzo retomamos as actividades culturais deste 2017, cunha gran festa da música tradicional. Pola tarde contaremos cun obradoiro de zanfona impartido polo mestre Óscar Fernández (Os Cempés, bOnOvO), toda unha referencia da música tradicional e músico capaz de levar á zanfona a territorios pouco explorados. O obradoiro terá unha duración de catro horas e vai dirixido a persoas que non teñen coñecemento algún do instrumento e queren facer unha primeira aproximación a un instrumento realmente incrible. As prazas están limitadísimas a nove, pois esas son as zanfonas que amablemente cede o Padroado de Cultura do Concello de Narón, polo que non é necesario traer zanfona. O prezo para asociad*s de Castiñeiro Milenario é de 25€ e para non asociad*s de 35€. Para apuntarse podes chamar ao 616 705174 ou no correo electrónico da asociación (castineiromilenario@hotmail.com) e as prazas serán concedidas por rigoroso orde de inscrición.

Ao rematar o obradoiro teremos uns petiscos e despois comezaremos a foliada cos seguintes grupos: Foliadeir*s do Castro de Begonte, Treboada de Rábade, Os amigos do Caldeiro e Gaia pandereteir*s de Castro Ribeiras de Lea. Agradecemos profundamente a disposición de todos os grupos que veñen a agasallar a súa música e facer unha grande festa galega. Ao rematar os grupos, Foliada aberta.

Como sempre, agradecemos á Asociación Veciñal do Castro que nos deixen o seu local para facer a festa, ao Padroado de Cultura de Narón polo “préstamo” da zanfonas e aos grupos que participan nesta Foliada de Inverno.

cartaz_foliada_web

Mel de Castiñeiro (milenario)

Javier, Quique, Eliseo e Mar son catro soci*s de Castiñeiro Milenario que comparten unha fermosa afección: a apicultura. Eles catro comparten colmeas e traballos para poder conseguir no Monte do Pedroso, ese prezado líquido dourado: o mel. Ademais, decidiron que por cada bote de mel que vendamos coa etiqueta de Castiñeiro Milenario, deseñada por María Viso, doarán 1€ á Asociación. Un xeito fermoso de vender un produto de alta calidade e axudar á asociación da que son socios.
¡¡Moitas grazas, compañeira e compañeiros!!
O mel estará á venta nas actividades que Castiñeiro Milenario realice ao prezo de 7 euros, se alguén de cerca quere algún bote que se poña en contacto con nós e veremos se llo podemos achegar.

11122016-_dsc5520

11122016-_dsc5530

11122016-dsc_5517

Fotos: Obradoiro de cestaría

Rematou o Obradoiro de Cestaría impartido por Beatriz Valín que se realizou no local da Asociación Veciñal do Castro. Deixamos unhas fotos dun curso moi ben aproveitado pol@s asistentes e no que houbo un gran ambiente de traballo.

Obradoiro de cestaría

Obradoiro de cestaría

Obradoiro de cestaría

Obradoiro de cestaría

Podes ver o álbum completo do Obradoiro de Cestaría en Flickr.

Fotos: Daboapipa, Contos e lerias

O dúo Daboapipa chegou ata O Castro ben cargadiño de Contos, lerias e fermosas cancións que lograron enganchar á xente miúda e á xente maior. Unha marabilla poder escoitar historias tan fermosas, tan ben contadas e tan ben cantadas.

Velaquí tedes unhas fotos da súa actuación no Castro.

Daboapipa, Contos e Lerias

Daboapipa, Contos e Lerias

Daboapipa, Contos e Lerias

Podes ver todas as fotos no álbum Daboapipa, Contos e Lerias en Flickr.

Fotos: Trécola con Tolitates

Moi divertida a representación dos compañeiros de Trécola que fixeron as delicias da xente cativa co seu cambio constante de historias e personaxes.
Aquí deixamos unha fotiñas do seu paso polo IV Festival de Teatro de Begonte.

Trécola no IV Festival de Teatro de Begonte

Trécola no IV Festival de Teatro de Begonte

Trécola no IV Festival de Teatro de Begonte

O resto de fotos podes vela no noso álbum Trécola, Tolitates.

Anterior Entradas máis antigas Seguinte Entradas máis recentes

%d bloggers like this: