Fotos: Concerto de Quempallou

Rematamos o verán coa actuación do grupo Quempallou. Agradecermos á Deputación de Lugo as facilidades para poder traer ao grupo dentro do programa Verán Cultural 2016 e ao Concello de Begonte polas infraestruturas para que a xornada musical saíra o mellor posible.
Deixamos algunhas das fotos, o resto podes velo no noso álbum en Flickr: Quempallou en Baamonde.

Quempallou-12

Quempallou-11

Quempallou-7

Verán Cultural 2016: Quempallou

Quempallou é unha das referencias fundamentais no panorama da música tradicional e folc de Galicia nos últimos vinte anos. Formados no ano 1999 con integrantes da zona da montaña lucense e das rías baixas, montaña e mar, O Incio e Bueu misturando xeitos de tocar e de ver a nosa música tradicional. A formación foi, no seu momento, toda unha revolución, xuntando as gañas de facer festa, co compromiso social; capaces de encher o torreiro cunhas letras cargadas de intencións. Na actualidade Quempallou está formado por Roi Maceda, no acordeón; Guillerme Ignacio, na gaitas, frautas e voz; Isaac Millán, no bouzouki e guitarras; Roi Adrio, nas percusións e Rubén Trotiño nas gaitas e clarinete.

Teñen sacado cinco discos ao mercado, Quempallou (2002); Estremonías (2004), disco fundamental na historia recente na nosa música tradicional; Polo Aire! (2007); o recompilatorio Once anos mallando (2010); Vellas Novas (2012) e o novedoso xeito de sacar traballo discográfico por partes e sen formato físico, os famosos Quarteiróns 1 (2015) e 2 (2016).

O concerto está programado para as 23 horas do venres 23 de setembro na Praza de Baamonde e está incluído dentro do Verán Cultural 2016 da Deputación de Lugo, á que queremos agradecer a súa disposición para traer ao grupo ata Begonte e ao Concello por facilitar as estruturas necesarias para o evento.

Só queda berrar un longo LUUUUMEEEE!!  e veña festa.

quempallou_web

 

 

Actos: Cantos de Reis

Non saímos dunha, para meternos noutra… O vindeiro domingo 20 de decembro imos comezar as Festas do Nadal cos tan tradicionais Cantos de Reis. Nesta ocasión, membros de Castiñeiro Milenario e o alumnado de pandeireta da Escola de Música de Rábade, Begonte e Outeiro de Rei imos saír por Pacios e Baamonde cantando os Reis e o que faga falta.

A partires das sete da tarde, as nosas melodiosas voces, as doces pandeiretas e as harmoniosas gaitas anunciarán o inicio das festas.

Cantos_web

III Ciclo de Teatro

Neste Terceiro Ciclo de Teatro 2015 contaremos con dúas representacións. Alentía Teatro e o seu “Cambio de Cor” que vai ser representada no Colexio de Baamonde, e a compañía In bocca al lupo que vai ofrecer a súa obra, “Superlía” no local da Asociación Veciñal do Castro.

IMG_20151112_114006

IMG_20151112_114046

Teatro2015_web

Cursiño de cociña

¡Volven as actividades culturais de Castiñeiro Milenario! Despois duns meses nos que traballamos nalgúns proxectos que non rematan de facerse realidade, volvemos este 2015 cunha actividade nova: un cursiño de cociña que impartirá a empresa lucense “A Cociña de Pilar“.

O cursiño comezará o venres 10 de abril e terá catro sesións, en venres consecutivos, en horario de 20 a 22 horas na cociña do Colexio de Baamonde.

O prezo para soci@s será de quince euros e para non soci@s de 25 euros. A inscrición por rigoroso orde de chegada poderá facerse ata o xoves 9 a través das canles habituais de Castiñeiro Milenario, este mesmo blogue, no Facebook, no twitter, no noso contacto ou chamando ao 616 705174.

Obradoiro_cociña_web

Fotos de Vacacións no mar de Mircromina

Representación especial para a rapazada que gozou dun teatro que segue engaiolando aos máis pequenos, a maxia dos títeres segue viva.

Mircromina-2

Mircromina-7

Mircromina-11

Mircromina-10

Podes ver o resto das fotos no noso álbum Mircromina en Baamonde en Flickr.

Anterior Entradas máis antigas

%d bloggers like this: