Actos: Campamento de verán de Castiñeiro Milenario


A Asociación Cultural Castiñeiro Milenario quere organizar o seu propio Campamento de verán durante todo o mes de agosto. Poderán inscribirse os nenos e nenas entre catro e doce anos que o desexen. As actividades do campamento comezarán o 1 de agosto, tódolos mércores e venres desde as dez da mañá ata as sete da tarde no centro social da parroquia de O Castro. As actividades previstas son ben variadas como rotas pola natureza, tiro con arco ou a procura do tesouro, ademais de obradoiros, xogos tradicionais e xogos na auga.
O número de prazas é limitado e o prazo para apuntarse remata o vindeiro 28 de xullo. Se estás interesado en apuntarte ou se precisas de máis información, non perdas máis tempo e ponte en contacto con nós, ben no correo electrónico da asociación (castineiromilenario(arroba)hotmail.com), cumprimentando o noso formulario de contacto ou chamando ao teléfono 616 347843.

Esperámosvos.

Advertisements

%d bloggers like this: