Cantos de Nadal 2018

Rematamos este 2018 coa derradeira actividade e tal e como nos gusta, ímolo facer coa nosa música tradicional. O mércores 19 de decembro, a partir das sete e media, comezamos na zona de Baaomonde para logo rematar en Pacios cos típicos Cantos de Nadal e música tradicional. Esta actividade é unha colaboración coas Escolas de Rábade, Begonte e Outeiro de Rei da Asociación Músico Crisanto. É unha actividade aberta, polo que se te queres unir non hai problema, todo o mundo está convidado.

Advertisement

Hemeroteca: Cantos de Nadal no Progreso

Foto saída no suplemento A Chaira do xornal El Progreso (2/Xaneiro/2018)

Fotos: Cantos de Nadal

Velaí van unhas cantas fotos do noso precorrido por algúns dos locais de Pacios e Baamonde facendo os Cantos de Nadal (e algún profano). Grazas ao Muíño de Pacios e ao Madia Leva de Baamonde por deixarnos botar uns berros e, especialmente, á Taberna do Labrego e ao Galicia que, por riba de aturarnos, aínda deron o aguinaldo.

Podes ver o resto das fotos no álbum Cantos de Nadal 2017 na nosa conta en Flickr.

Actos: Cantos de Nadal

Imos rematar este 2017 coa derradeira actividade do ano e tal e como nos gusta facer, ímolo facer coa nosa música tradicional. O venres 29 de decembro ás sete e media, empezaremos na Taberna do Labrego en Pacios para logo ir visitando outros lugares de Pacios e Baamonde cos típicos Cantos de Nadal e música tradicional. É unha actividade aberta, polo que se te queres unir non hai problema, todo o mundo está convidado.

Actos: Cantos de Reis

Non saímos dunha, para meternos noutra… O vindeiro domingo 20 de decembro imos comezar as Festas do Nadal cos tan tradicionais Cantos de Reis. Nesta ocasión, membros de Castiñeiro Milenario e o alumnado de pandeireta da Escola de Música de Rábade, Begonte e Outeiro de Rei imos saír por Pacios e Baamonde cantando os Reis e o que faga falta.

A partires das sete da tarde, as nosas melodiosas voces, as doces pandeiretas e as harmoniosas gaitas anunciarán o inicio das festas.