Sesión Vermú e Foliada libre

Despois do Obradoiro de Canto e Pandeireta,temos preparada unha Sesión vermú e foliada libre nas instalacións do Club Fluvial de Begonte. Un xeito lúdico de poñer en práctica o aprendido pola mañá e un xeito de seguir facendo un pouco de festa na xornada do domingo.
Tanto a sesión vermú como a foliada libre está aberta a calquera persoa que se queira achegar ata as instalacións do Club Fluvial de Begonte

Advertisements

Foliada de Verán

Este é un deses actos no que traballas arreo e sen saber como nin por que, vaise complicando, enredándose, enguedellándose e non acaba de saír. Nun principio era unha colaboración coa empresa de ocio begontina Non Estreses dentro do evento 2º Descenso do Río Ladra. Ao final, este verán tan seco e imponderables que non están nas nosas mans, provocou que o Descenso se cancelara por falta de auga no río Ladra. Así que, empeñados na nosa colaboración optamos por facer unha xornada festiva ao carón do río, nas magníficas instalacións do Club Fluvial de Begonte que, de novo, colaboran con Castiñeiro Milenario para facer esta Foliada de Verán, con paseos en Kaiaks polo Ladra, xantar popular á antiga usanza, levando as tortillas e os filetes empanados e pola tarde Foliada co cuarteto “Os Martes”, logo foliada aberta a tod@s os que vos queirades achegar ata Begonte e pasar un bo día.

Foliada_web

%d bloggers like this: