Fotos: Foliada de Outono 2017

Alá foi a derradeira foliada do ano 2017. Unha foliada que tivo como comezo o obradoiro de baile tradicional de Xabi Iglesias, no que fomos aprendendo as bases para sacar e coller os puntos nas foliadas. Despois dos petiscos, arrancaron a foliada o grupo residente, Foliadeir@s do Castro e logo foi a quenda dos Milesios, un verdadeiro orgullo e un pracer que compartisen a súa música nesta foliada de outono, facendo un gran esforzo para adaptarse a un formato que non é habitual neles e recompoñéndose das baixas que tiveron ese día. Deixaron, ademais, unha das imaxes da xornada,a arpa irlandesa de Elaine Brown, soando nunha foliada galega, algo pouco frecuente. Na foliada libre houbo tempo para tocar xunt@s e tamén para que apareceran Os Fedellos da Ulloa, para poñer un broche de ouro marabilloso a esta festa da música tradicional.

Desde a asociación queremos agradecer a toda a xente que se achegou ata O Castro, aos grupos (Foliadeir@s, Milesios e Fedellos), aos bailadores/as (que sería unha foliada sen el@s) e á Asociación Veciñal do Castro, por permitiren facer esta festa no seu local social. ¡Viva a música e o baile tradicional galego! Para o ano máis…

Foliada de Outono 2017

Foliada de Outono 2017

Foliada de Outono 2017

Foliada de Outono 2017

Foliada de Outono 2017

Foliada de Outono 2017

Foliada de Outono 2017

O resto das fotos podes velas no álbum Foliada de Outono 2017 en Flickr

Advertisements

Hemeroteca: Foliada de Outono 2017

A Foliada de Outono nos medios.

Velaiquí vai a entrevista que nos fixeron no programa Voces de Lugo de RadioVoz que dirixe Félix Jorquera.

 

Reseña que fan da Foliada no xornal El Progreso.

E para rematar a mención en La Voz de Galicia

Fotos: Obradoiro e Sesión Vermú

Fantástica a xornada do domingo 18 de xuño. Primeiro cun magnífico obradoiro impartido polo gran Roberto Rodríguez, mestre de canto e pandeireta na Tradescola de Lugo. Tres horas tocando e cantando maneos que se fixeron curtas, e na que aprendemos un montón de cousas deste estilo tan particular e bonito. Agradecer ao Concello de Begonte a cesión da Casa da Cultura, sobre todo a Montse, por deixarnos todo ben preparadiño, e, por suposto, á Tradescola polo traballo que fai na difusión das nosas tradicións e por levar pola provincia adiante este tipo de iniciativas.
Despois do obradoiro, tocou ir ata ese marabilloso lugar que é o Club Fluvial de Begonte para seguir coa xornada lúdica. Sesión Vermú improvisada con xente dos Foliadeir@s do Castro e Branca Villares. Xantar e sesión sobremesa ata ben chegada a merenda grazas a algúns compoñentes de Xaora, Xabi Iglesias e Espazo 10. Gran xornada de música e baile tradicional, nunha contorna incrible. Agradecer tamén ao Club Fluvial de Begonte por deixarnos empregar as instalacións e a Castro & Castro, por darnos de xantar.
Velaquí van algunhas das fotos da xornada.

Obradoiro de maneo e sesión vermú

Obradoiro de maneo e sesión vermú

Obradoiro de maneo e sesión vermú

Obradoiro de maneo e sesión vermú

Sesión Vermú e Foliada libre

Despois do Obradoiro de Canto e Pandeireta,temos preparada unha Sesión vermú e foliada libre nas instalacións do Club Fluvial de Begonte. Un xeito lúdico de poñer en práctica o aprendido pola mañá e un xeito de seguir facendo un pouco de festa na xornada do domingo.
Tanto a sesión vermú como a foliada libre está aberta a calquera persoa que se queira achegar ata as instalacións do Club Fluvial de Begonte

Actos: Maios e Foliada de Primavera

O sábado 27 de maio imos celebrar a primavera como se merece. Pola tarde sairemos coa rapazada a recoller xestas e fentos e flores para facer un maio ben grande e bonito. Aproveitaremos para coñecer a flora que nos rodea e botar algunha peza arredor do maio. A hora de inicio está programada para ás seis da tarde e sairemos do local Social da Asociación veciñal do Castro (Begonte). A mestra de cerimonias será Branca Villares, que nos vai axudar a facer o maio e botar unhas cantigas relacionadas coa data. Despois repoñeremos forzas cun bo chocolate.

Pola noite, teremos a tradicional Foliada de Primavera con tres grupos convidados: Foliadeir@s do Castro, As Cernellas de Santa María de Bóveda e Raíces do Campo. Ao rematar, Foliada aberta ata ben entrada a noite.

Como sempre agradecer a Branca Villares pola súa implicación neste proxecto. Tamén aos grupos que veñen á Foliada de xeito desinteresado e á Asociación Veciñal do Castro por permitirnos empregar as súas instalacións.

Hemeroteca: Post-Foliada de Inverno no Progreso

Bastante éxito nos medios de comunicación tivo esta Foliada de Inverno e o Obradoiro de Zanfona.
Estas son as fotos que saíron en El Progreso

.

El Progreso, 19/03/2017

Anterior Entradas máis antigas

%d bloggers like this: