Fotos: Premio Cogomelo Lucus 2018

Unha das teimas que tivemos sempre, como asociación, foi intentar unir forzas con outras asociacións, intentar crear unha especie de micelio asociativo, un micelio soterrado e invisible, pero con forza e extenso que permita, dadas as circunstancias axeitadas, agromar e producir eses marabillosos froitos que son os cogomelos. Tanto a Sociedade Micolóxica Lucus como Castiñeiro Milenario levamos anos creando ese micelio soterrado o cal fomos coidando a base de obradoiros, charlas, paseos micolóxicos e xantares comunitarios, para que, dadas as circunstancias, xurda do chan da Chaira este marabilloso Cogomelo Lucus 2018 que nos tocou recoller.
Moitas grazas polo este agasallo que nos enche de ledicia e que nos da forza para seguir loitando. Grazas a este Cogomelo Lucus 2018, seremos máis fortes, porque a partir de agora seremos un Castiñeiro Milenario micorrizado.

Advertisements

Fotos: Paseo Micolóxico 2018

Un ano máis a colaboración entre a Sociedade Micolóxica Lucus e a Asociación Veciñal do Castro deu como resultado unha nova xornada de achegamento ao mundo dos cogomelos e o posterior xantar comunitario. Como sempre, un xornada interesante e festiva.

PaseoMicoloxico_2018-3

PaseoMicolóxico_2018-4

PaseoMicolóxico_2018-5

Máis fotos no noso álbum Paseo Micolóxico 2018 en Flickr

Paseo micolóxico 2018 (só para asociad@s)

Un ano máis a Sociedade Micolóxica Lucus e a Asociación Cultural Castiñeiro Milenario presentamos unha nova edición do Paseo Micolóxico. A partir das dez da mañá, as persoas asociadas das dúas organizacións imos realizar un paseo micolóxico por algunhas das fragas do Concello de Begonte, co obxectivo de poder estudar e identificar os cogomelos no seu propio hábitat. Ao mediodía organizaremos unha comida conxunta de confraternidade no local social da Asociación de Veciños de O Castro, cedido de xeito desinteresado para a ocasión. A comida e bebida achegarase por parte de ambas asociacións, aínda que calquera soci@ que o desexe pode aportar voluntariamente algunha preparación para complementar a mesma e compartir cos asistentes.

Programa e horarios aproximados da actividade:
10:00 horas Comezo do paseo micolóxico.
13:30 horas Remate do paseo micolóxico
14:30 horas Xantar
17:30 horas (aproximada) Remate da actividade (aquel soci@ que desexe marchar antes poderá facelo)

A actividade é gratuíta para @s soci@s de ámbalas dúas asociacións, mesmo o xantar correrá a cargo de SMLucus e a AC Castiñeiro Milenario. O prazo para apuntarse remata o venres pola mañá.

Fotos do Paseo Micolóxico 2017

Aí quedan unhas cantas das fotos do Paseo micolóxico 2017, actividade conxunta entre a Sociedade Micolóxica Lucus e AC Castiñeiro Milenario polas fragas begontinas. Como sempre, unha gran xornada de aprendizaxe e convivencia.

Paseo micolóxico 2017

Paseo micolóxico 2017

Paseo micolóxico 2017

Podes ver todas as fotos no álbum Paseo Micolóxico 2017 no noso Flickr

Paseo micolóxico 2017 (só para asociad@s)

Un ano máis a Sociedade Micolóxica Lucus e a Asociación Cultural Castiñeiro Milenario presentamos unha nova edición do Paseo Micolóxico. A partir das dez da mañá, as persoas asociadas das dúas organizacións imos realizar un paseo micolóxico polas algunhas das fragas do Concello de Begonte, co obxectivo de poder estudar e identificar os cogomelos no seu propio hábitat. Ao mediodía organizaremos unha comida conxunta de confraternidade no local social da Asociación de Veciños de O Castro, cedido de xeito desinteresado para a ocasión. A comida e bebida achegarase por parte de ambas asociacións, aínda que calquera soci@ que o desexe pode aportar voluntariamente algunha preparación para complementar a mesma e compartir cos asistentes.

Programa e horarios aproximados da actividade:
10:00 horas Comezo do paseo micolóxico.
13:30 horas Remate do paseo micolóxico
14:30 horas Xantar
18:00 horas (aproximada) Remate da actividade (aquel soci@ que desexe marchar antes poderá facelo)

A actividade é gratuíta para @s soci@s de ámbalas dúas asociacións, mesmo o xantar correrá a cargo de SMLucus e a A.C. Castiñeiro Milenario.

Cursiño de micoloxía 2014

Castiñeiro Milenario organiza un novo Curso de Micoloxía. Nesta ocasión o curso vai ter dúas sesións teóricas que terán lugar o xoves e venres 20 e 21 de novembro a partires das 20:00. Na primeira poderemos coñecer os aspectos básicos da bioloxía dos cogomelos, así como recoñecer as partes e as características físicas principais para poder distinguilos; a segunda sesión estará adicada ao recoñecemento das especies, facendo fincapé nas características esenciais para poder distinguilas.

O sábado, 22 de novembro, a partires das dez da mañá, sairemos ao campo a recoñecer sobre o terreo os cogomelos máis deliciosos e aqueles que deberemos rexeitar por seren velenosos. Como fin de festa, a partires das tres da tarde gozaremos dun xantar cos cogomelos recollidos durante a mañá. Todas as actividades serán no local da Asociación de Veciñ@s do Castro, aos que como sempre agradecemos a súa colaboración.

O cursiño está impartido por José Castro, da Sociedade Micolóxica Lucus, asociación coa que colaboramos de novo.
O curso e o xantar é de balde para @s soci@s de Castiñeiro Milenario e da Sociedade Micolóxica Lucus, para os non soci@s o custe será de 15€ incluíndo a asistencia ao cursiño e a o xantar do sábado.

A data límite para apuntarse será o 20 de novembro e se queres, podes facelo neste mesmo blogue, no Facebook, no twitter, no noso contacto ou chamando ao 616 705174.

cartaz_cogomelos_2014_web

%d bloggers like this: